O SEGREDO DE FLORA

Flora ten un segredo fantástico, e é que aprendeu unhas palabras máxicas que a axudan a non sentir enfados nin ganas de pegar: 

“1,2,3 o enfado polas mans. 

1, 2, 3 o enfado polos pés. 

1,2,3,o enfado xa se vai. 

1,2,3 o enfado xa o botei” 

Neste conto ensinámoslles aos máis pequenos que a violencia é intolerable en todas as súas manifestacións.

NOVIDADES NA BIBLIOTECA

Hola a todos e todas, estamos a recibir un montón de novidades na  biblioteca e os invitamos a coñecelas. Podedes atopalas na sección de novidades e despois nos  seus andeis correspondentes buscade as estrelas amarelas.
Estas son algunhas das nosas novidades:

A HISTORIA DA CASTAÑA

Cando, como, porque... chegou a castaña a Galicia son algunnhas das cousas que podes aprender en esta publicación.

O MAGOSTO E AS CASTAÑAS

Chega novembro e con el o magosto aquí tendes unha pequena presentación sobre o magosto e a castaña.

MANIFESTO DO SAMAÍN

Fora sustos, fora medos.

O que algún medo teña agora lle vai na queima.

Neste samaín que estamos a celebrar os medos imos recitar.

Teño medo ás bruxas

cando saen as moi piruxas.

Teño medo das pantasmas

cando saen das súas camas.

Teño medo aos morcegos cando van polo ceo.

Teño medo das arañas

sobre todo cando fan as súas teas de araña.

Teño medo da escuridade

sobre todo cando estou en soidade.

(Ana Muñiz Ramilo 4º A , gañadora do concurso os teus medos en verso)

FORA BRUXAS,

FORA TRASNOS,

FORA ESQUELETES,

FORA SUSPENSOS,

FORA VAMPIROS,

FORA DEMOS.

Con este Samaín celebrado,

os nosos medos quedan queimados

e xa non hai nenos nnin nenas asustados.

SAMAÍN DE LIBRO

Aquí tedes algúns libros terroríficos, que podedes atopar na bibliotecado cole. 

 

SAMAÍN DE LIBRO - foto montaje

Consultade o catálogo e seguro que atorparedes moitos máis que os poden interesar.

Animádevos a vir, agárdanvos nos andeis

LENDA DA CABAZA

Fai moito tempo, nun pequeno pobo irlandés había un monxe chamado Jack. Jack, segundo algunhas lendas, era un tipo alto e delgado, que lle gustaba gastar bromas e facer maldades. Pero era un home astuto, e tanto o cría el, que ata fixo un pacto co demo. O pacto, contan, consistía en que o demo non o deixaría ir ao inferno se Jack facía o mal na terra. E así foi. Pero Jack era mortal, e como a todos os mortais chegoulle a súa hora. No ceo non o deixaron entrar, non podían deixar entrar a un ser tan malo, e claro no inferno o diaño cumpriu o seu parte e non lle deixou pasar, pero deu a Jack unha lanterna, unha peculiar lanterna en compensación por todo o mal causado. Esta lanterna consistía nun nabo oco cun carbón que sería incandescente por sempre. E desde entón cóntase que Jack (coñecido por Jack of the Lantern, Jack da lanterna) deambula polo mundo coa súa lanterna en busca dun lugar onde descansar.

Existe outra variante da lenda na que Jack fixo unha broma ao diaño; fíxolle rubir por unha árbore seca e quedou encerrado no seu tronco. A cambio da súa liberdade, o diaño teríalle que deixar de tentar coa bebida. E claro, como fora unha persoa que fixera malas accións, e como o diaño en vinganza pola broma non lle deixou entrar, quedou por "aí", vagando eternamente coa súa lanterna.

A lanterna era a base de nabo, entón... de onde vén a cabaza? Cando chegaron os primeiros colonos ingleses e irlandeses, tiñan a tradición do nabo, pero se atoparon coa cabaza. Esta ofrecía mellores características que o nabo: en primeiro lugar é máis grande que un nabo e pódese introducir unha vela, dando máis luz; en segundo lugar proporciona máis alimento; e en terceiro lugar é máis vistosa.

Existe tamén a lenda que se recorta a cabaza en forma de monstro e acéndese unha vela dentro para que Jack, Jack o da Lanterna, non se achegue a esa casa, empuñando a súa eterna luz para ver nas tebras...

HISTORIA DO SAMAÍN

Na noite do 31 de outono comezaba o aninovo celta, marcando a transición do outono ao inverno. Durante a noite do 31 de outubro os druídas (a caste sacerdotal dos celtas) recollían as baías do acivro dos troncos de aciñeiras e carballos, cunha fouce de ouro. Acto seguido depositaban esas baias nun caldeiro ou as tiraban a un manto branco que sostiña outro druída no chan. Despois, esas baias tan especiais, terían indubidables poderes curativos para o poboado, e para as súas elaboracións "máxicas". 

Uns días antes do ano novo, tiñan lugar innumerables sacrificios animais. Ademais de ter un carácter relixioso, temos que ter en conta unha cousa, que se achega o inverno e hai que empezar a almacenar para facer fronte aos duros meses que veñen por diante. 

Estes sacrificios de animais, facíanse co obxectivo de aprovisionarse de carne e de pel para o inverno. Era a súa peculiar "matanza". 

Esa noite está relacionada moi directamente co mundo dos mortos. Pois ben, esta crenza estaba moi arraigada no pobo celta. Eles crían que esa noite, unha "porta" abríase, e o mundo dos vivos quedaba en comunicación co dos mortos, polo menos por unhas horas. Durante este período non se podía saír do pobo, pois nesta noite, as ánimas dos finados volven visitar ás súas familias e ás súas vellas casas para quentárense ao carón do lume e comer dos alimentos que con agarimo lles tiñan preparados os parentes. 

Durante esas horas, podíase tocar, palpar e ata se podía traspasar ao mundo dos mortos. 

Por iso en todo o pobo había fogueiras. Estas, non se acendían coa intención de espantar aos malos espíritos, nin nada diso, senón que se acendían para poder guiar aos mortos na escuridade da noite, para que atopase aos seus parentes e fogares, e puidésense quentar coa calor do lume do fogar. 

Como apunte final a esta festa celta, hai que mencionar unha curiosa tradición: os celtas, esas noites, amontoaban as caveiras dos seus mortos (e tamén dos seus inimigos) e pintábanas. Esta tradición tivo repercusións na nosa cultura, xa que nas encrucilladas dos camiños facíanse amontoamentos de pedras (chamados milladoiros) e tíñase o costume de depositar unha pedra e pedir un desexo. Existe un milladoiro no camiño de Santiago, que é famoso (ademais de estar preto de Santiago de Compostela), porque posúe unha gran cruz de ferro. O feito de depositar unha pedra alí é signo de que non terás mala fortuna durante o que queda de viaxe, por iso os peregrinos soen levar unha pedra desde o seu lugar de orixe, ou ben a collen antes de chegar ao milladoiro.

SAMAÍN DE LIBRO

OS TEUS MEDOS 

EN VERSO

ESTAMOS EN OUTUBRO E XA NON QUEDA NADA PARA O SAMAÍN

UN DÍA CHEO DE BRUXAS, MORCEGOS, PANTASMAS E MOITOS, MOITOS...

MEDOS

NA BIBLIOTECA ESPERAMOS OS TEUS MEDOS PERO, EN VERSO.

ESCRIBE O TEU MEDO NUN DESTES PAPEIS E DEIXAO NA CAIXA, IREMOS COLOCANDO TODOS OS VOSOS MEDOS NO CORREDOR E, O DÍA DE SAMAÍN , DESPARECERÁN PERO ANTES, ELEXIREMOS O MÁIS ORIXINAL.

TEMOS UN PREMIO ESPERANDO

PREPARADOS, LISTOS, XA

Na biblioteca xa está todo preparado para abrir de novo á porta.

Temos novas seccións, un montón de libros novos, moitísimas novidades, centos de actividades interesantes, concursos, xogos e premios; pero, sobre todo, moitas ganas de veros a todos e todas na BIBLIOTECA. Estamos listos.

E sí , xa podedes entrar, ver, tocar, ler e disfrutar de todas as aventuras, fantasías, historia e lendas que están agochadas nos nosos libros.

Este ano pretendemos que todos e todas (nenos e nenas, familias, profes, etc) os mergulledes, molledes, empapedes... na lectura.

POESÍA VIVA NA ESCOLA

Os poetas da escola recitan unha poesía de Valentín Paz Andrade nun escenario coñecido por todos, o colexío. Seguide así poetas.

VISITA DO MAGO NOEL

Co gallo da inauguración da nova sala de lectura para os nenos e nenas de infantil, estivo connosco o Mago Noel. Todos estivemos entretidos vendo como facía desaparecer cousas, e como facía aparecer outras.

UN POETA NA ESCOLA

Os nenos e nenas de 6º de Infantil e os do Primeiro Ciclo de Educación Primaria, estiveron na presentación que o autor Miguel Angel Alonso, veunos facer sobre o seu último traballo O Cullarapo Croque.

OS OFICIOS NA IDADE MEDIA

Os nenos e nenas de 4º seguen aprendendo moitas cousas sobre a vida na idade medi. Aquí nos deixan un pequeno videosobre cales eran os oficios tradicionais daquela época da historia. Eles están a estudar máis en profundidade aos ferreiros e aos oleiros.

APADRIÑAMENTOS LECTORES

Con motivo da celebración do "Día do Libro" os nenos e nenas de catro anos recibiron entusiasmados a visita dos mozos e mozas do IES Ribeira do Louro que chegaron ao colexio cuns fantásticos libros para contarlles aos cativos. Todos pasamos uns momentos moi divertidos que esperamos repetir o vindiro ano.

VISITA DA AUTORA FINA CASALDEREY

Os nenos e nenas esperaban con moita ilución a chegada da autora Fina Csalderey. Foron baixando por ciclos o salón de actos; alí a autora contoulles breves relatos para que entenderán, como dicía ela, que era aquilo de contar historias. Os nenos quedaron engaiolados pola rápidez e imaxinación coa que a autora, Fina Casalderey, lles contou as historias a partir de dúas ou tres palabras que xurdían nese momento.

EXPOSICIÓN DE MARCAPÁXINAS

Todos os nenos e nenas do colexio deixaron voar a súa imaxinación para elaborar uns preciosos marcapáxinas que intercambiarán cos seus compañeiros e compañeiras de nivel.

Como podedes ver a temática dos mesmos é moi variada: os libros, a lectura, os escritores, os contos e non podía faltar a Idade Media que tamén invadiu a celebración do "Día do Libro"

marcapáginas 2012 - diapositivas

INAUGURACIÓN DA BIBLIOTECA DE 4º B

Ola a todos a todas ,

Hoxé é 23 de abril, “Día internacinal do libro”.

O 23 de abril é un día simbólico para a literatura mundial, xa que neste día e no ano

1616 faleceron personalidades como Cervantes, Shakespeare e Garcilaso de la Vega.

A celebración deste día foi unha decisión espontánea tomada na Conferencia Xeral da

UNESCO que se celebrou en París en 1995, para rendir unha homenaxe universal aos

libros e autores.

Por iso, os nenos e nenas de cuarto curso unímonos para inaugurar un novo espazo para

os nosos libros, A BIBLIOTECA DE 4º B.

Cando abrimos unha biblioteca nova, abrimos unha fiestra á nosa imaxinación.

Poderemos ser cabaleiros, pintores, astronautas, labregos, dragóns, peixes ou

sapoconchos... todo o que a nosa mente queira e desexemos ser.

Soldados, loitemos dende as almeas da nosa biblioteca contra os dragóns da ignorancia

e a intolerancia coa mellores armas, OS LIBROS !!!

Os libros son o alimento necesario para seguir soñando... todo está nos libros e o que

non está podemos imaxinalo cun libro.

Hoxe abrimos esta biblioteca, so queda que a coidemos e a utilicemos con cariño.

EL QUIJOTE "LOS MOLINOS DE VIENTO"

23 DE ABRIL, UN DÍA ESPECIAL

Na escola hoxe foi un día especial no que todos e todas, cada un a súa maneira, celebramos o "Día Internacional do Libro".

Os máis pequenos visitamos a biblioteca e descubrimos porque catro pitiños veñen cada día a visitala, despóis cada un fixo un con plastilina. Que divertida é a familia Leo, pronto seremos grandes amigos!

Os nenos de 4 e 5 anos descubrimos por que celebramos o día do libro e escoitamos o conto de "Breogán na aventura dos muíños".

Os nenos de 1º e 2º fixemos uns preciosos marcapáxinas para intercambiar.

Os nenos de 3º descubrimos, xunto as profes, Miriam e Lorena, cómo eran as bibliotecas na Idade Media, como eran os libros ao longo da historia, as partes do libro, etc.

En 4º fixemos a inauguración da nosa biblioteca de aula, para ter un recanto ao que acudir cada día a descubrir a maxia dos libros.

E para todo o colexio os nenos de 5º e 6º fixemos un programa de radio no que contamos as orixes desta celebración, limos a aventura dos muíños de Don Quixote e limos algúns poemas de distintos escritores famosos como Miguel de Unamuno, Garcilaso de la Vega, Becquer, Rosalía de Castro, etc.

Foi un día redondo que todavía non rematou, aínda quedan moitas actividades ao redor dos libros e escritores por facer durante este mes e parte do que ven.

O CULLARAPO CROQUE

O CULLARAPO CROQUE from A porta verde on Vimeo.

Despois de un mes adicado a poesía no que todos participástedes na creación de varias poesías relacionadas coa Idade Media o "Cullarapo Croque" chega á nosa biblioteca e con el o seu autor, Miguel Ángel Alonso que vai vir visitarnos e contarnos moitas cousas sobre o libro e as poesías.

O esperamos ansiosos.

POESIA INFANTIL

Filiberto o dragón

é un glotón

que come moito turrón.

A súa irmá Filiberta

é unha esperta

en dar unha aperta.

Os dous irmáns

collense das mans

e van xogar cos cans.

O seu can, León

é un dormilón

que está sentado no sillón.

A súa cadela

chamase Canela

é como unha estrela.

O seu amigo Aaron

que é un camaleón

sempre está xogando ao pin pon.

POESÍA 3º CICLO

A dama e o cabaleiro...

querían mercar un sombreiro

e foron ao costureiro.

Quería mercar un sombreiro
e foron ao costureiro,
coas moedas do moedeiro,
pero non atoparon ao costureiro.

Cando desfloranse as flores da primavera
o amor e a morte chamarán a túa porta

POESÍA 2º CICLO

No castelo de O Porriño...
hai un dragón xeitosiño
sempre xoga ao balón
pois é moi xoguetón.

Gústalle voar polo ceo
pasar por enriba do concello
botar lume pola boca
e deitarse sobre unha roca.

Encántalle a cor verde
mais non lle gustan os vermes
gustalle comer polo asado
pois para el é moi doado.

Ten unha irmá moi puapiña
que leva unhas gafas marronciñas
ademáis sabe coniñar moi ben
e o seu nome é Isabel.

POESÍA 1º CICLO

Hai no colexio un bufón
que nos alegrá o corazón.

Con saltos e piruetas
facendo ruidos, poñendo caretas.

Vestido de moitas cores
conta historias de trobadores.

MARZO, MES DA POESÍA

Para celebrar o mes da poesía queremos que toda a comunidade educativa poida colaborar e, entre todos, facer varias poesías relacionadas coa Idade Media.
No centro podedes atopar varias poesías empezadas que podedes continuar vos, pero para que as familias tamén poidan axudar, deixamos as poesía escritas no blog e cada día iremos actualizándoas coas vosas aportacións a través dos comentarios.

ÁNIMO POETAS

Abraham Carreiro no CEIP Antonio Palacios

O día 2 de marzo estivo no noso centro o coautor e deseñador gráfico do libro Xoeliki. Estivonos contando como foi todo o proceso dende que xurdiu a idea de escribir o libro ata que saiu o mercado. O remate da charla estivo firmandolle autógrafos ós nen@.

Abraham Carreiro - presentacion imagenes

Carteis benvida a Abraham Carreiro

Os alumnos de 5º B fixeron uns debuxos sobre o libro XOELIKI, que leeron na clase, no que participou como autor e ilustrador Abraham Carreiro.

SAN VALENTÍN: REGALA AMOR REGALANDO LIBROS

Os libros dannos as palabras para porlle nome ao que non sabemos definir, ou palabras para o que non nos atrevemos a dicir ou para recoñecernos en cada unha delas. As ilustracións dan corpo a esas palabras ocultas que aparecen luminosas ao ler o libro. Este libro é unha declaración de amor ou de amizade para regalar a alguén que necesite as nosas palabras.

Como en moitos contos clásicos, temos noticia dun rei que a pesar de telo todo, até un magnífico xardín con espléndidos tulipanes, fáltalle o amor. E para buscalo viaxa día e noite até regresar á súa casa onde atopa á súa princesa vivindo nun tulipán.

No bosque pode ocorrer o inesperado. Un raposo rouba unha galiña e a partir de aí os amigos da suposta vítima perseguirán até a extenu

ación ao ladrón e ao seu botín: un coello,

un oso e un galo chegarán por fin até a súa gorida onde unha sorpresa agárdalles.

A través dun relato cheo de tenrura, coñecemos como os sentimentos amorosos desta familia dispáranse durante os últimos días do curso escolar. Cada un vivirá á súa maneira as relacións, pero o que resulta destacable é a verdade coa que se expresan os personaxes e o xogo literario que consiste en mostrar e ocultar para que o lector teña que imaxinar e pór en xogo as súas emocións.

Ben namórase perdidamente de Anna, unha nena polaca que chega nova á escola. É pobre e o seu pai está no paro, pero Ben enseguida co

mproba que con Anna pódense compartir moitas cousas: unha cabana abandonada, un baño no río, unha comida familiar nun remolque.

O pequeno elefante xa está preparado para iniciar a súa propia vida fose do acubillo paterno: empezou a ver bolboretas. Uns comprensivos pais convidan o seu fillo a iniciar unha viaxe persoal, seguindo ás bolboretas.